الاثنين، 2 سبتمبر 2019

رحيل الشاعر " بوهارون "



رحل " بوهارون " .. احد فحول الزجل الشعبي في ليبيا ..  من اهل اجدابيا .. رحمه الله وغفر له واسكنه فسيح جناته

يا ليبيا قصة غرامي صوني 
عاشق غوالي فيك كيف عيوني


يــــــــــــا ليبيا صونيهــــــــا 
قصة غرامي لكل جيل أرويهـا
نين الشجر والحيط يحكــي بيها 
وتخلد كما نقشت اثر فروعوني

***

عيون سهايا
 انا خفيف من غادي وجت يالايا 
قلت وين ما شالت عيون امعايا 
ياريت ربي ما خلق هارون 

***

سواد اميامي 
في كل لحظة رسمهن قدامي 
عيون عوادي 
سواد سودهن اسود سواده صادي 
ياما على سباك ناس انعادي 
لو تم دونك جيش نابليون
 بسيفي ورمحي وقوتي وجوادي 
ندك الحصون اللي ورا الحصون
***

ما انريد منها شي لاني طامع 
فيها ومن الايام لي واشون 
امغير الحقيقة حسب ماني سامع 
حلال قولها مهما يكون يكون
 
***
 
يا ما بكيت عليها
 وهي زاد تبكي ونا انودع فيها 
يوم السفر
 سـاعـة التـوديـعـة 
ومرّت اللحظة خاطفة وسريعة 
بـكـيـت بـدمعـة 
ذابت علي لخدود كيف الشمعة 
جميع من ابكايا من اصحابي سمعه 
شاهد علي ما صار في وفيها 
وكان صبح سبت اللي تكـفـّـا جمعة 
الايام عندي سبت نين انجيها
***
 
بـكـيـت بـحـرقـة 
ونا فالصعود وفالسلالم نرقى 
سيل م الدموع النازفة بالدرقة 
 بيدي انكفف غير واحل فيها


 

ليست هناك تعليقات: