الأربعاء، 14 نوفمبر 2018

انكانكم انسيتوا وطنكم فزان


تعالوا اجتمعوا وابعدوا الشيطان **  تراب وطنكم افضل من الطليان
اجلسوا في زله  ** ولموا شتات الوطن كله كله 
 ومهما الحاجب عن العين تعلاء ** بلا العين ماله في الجبين مكان
اجلسوا في هون ** اللي في هواها تنشرح العيون 
 ابلاد باهيه واجمل بقاع الكون ** فيها الراحه وتاجدوا الامان
بكم يفرحوا الاشراف ** اصحاب الشهامه والقلوب انضاف
تطمان عندهم لاتنضلم لاتخاف ** ابلاد الكرم الجود في ودان

في سوكنه الجميله ** اللي جوها ينعش الروح عليله
رددت السلف والكيل وافي كيله ** شهامه ونخوه ناسها شجعان

اجلسوا في الفقها ** اللي القلب عندي وخاطري يعشقها
وشوفوا المشقق وارضها وحلقها ** احفاد الاشراف حميد بن زيدان 

الزيغن جميل هواها ** بيك يفرحوا هلها بعد تلفاها
وتلقوا الصفى في ترابها وسماها ** عليك الحطايا من بعيد اتبان

سمنو اجتمعوا فيها ** لها شان في الحاضر وفي ماضيها
ايلاقي الراحه الضيف وين ايجيها ** وفيها القبائل عايشين اخوان

تمنهنت ارض الخير ** فيها اجلسوا للبني والتعمير **
علي ترابكم وتقرروا المصير ** خوذوا القرار وكلوا الرحمن

تعالوا اجلسوا في سبها ** بكم يفرحوا جمله اطياف عربها
بالكم اليا جيتوا ايزول غضبها ** ويلتم شملها وترجع ايام زمان

اجلسوا في اوباري ** وفي بنت بيه وطنكم ياناري
وجرمه لها تاريح سمح حضاري ** التحنو مع الوشواش والجرمان

اجلسوا في غات ** والبركه وماتنسوش العوينات
ومروا علي فتحت اجبال الفات ** وديروا الزردة جنب كاف الجان

مرزق اللي مشهوره ** فيها اجلسوا وديروا عليها دوره
تراغن اللي بخيورها مغموره ** وام الارانب واسعة المكان
زويله تمسه واخذات النوره ** صاحبة رسول الله في الميدان
القطرون حاضنهم ابطال الثورة ** البخي والتجرهي يفزعوا فرسان

اجلسوا في براك ** وقيرة اللي هلها اتفز معاك **
وبرقن وقطه هن اللي يالاك ** وادري ابلاد الجود وتمسان

ياجنوب على شان من علاك ** وانكانكم انسيتوا وطنكم فزان 
الشاعر : شمس المعارف التمامي .. سبها

ليست هناك تعليقات: