الأربعاء، 19 أبريل، 2017

ياريتنا مازلنا .. قصيدة




ياريتنا مازلنا ..   بوادي شوامس نازلين بهلنا   .. فديار العفا
ياريتنا مازال        ....       كيف قبل في ماضي قديم وزال
في وطن سيله للعذف دفال ... ورايده رجع قال الرحيل رحلنا
عامد بداري برقهن ختال ... بركان رعدهن فوق الوطا زلزلنا
وبشيرة العواقل طيبين الفال ....     نزلنا ديار حلول واجاملنا
بنينا ورتبنا وسيع الجال   ... وحسبنا حساب الرجل واستعدلنا
وردنا اللي مانززحه نشال .... بلقيح من شراريد العشار عزلنا
وكلينا لذيذ الطعم من لوكال  ....   اللي بعده ماظني لذيذ شغلنا
حياة عز مافيها مقال وقال .....   ولافعمرنا عند الخطا جاملنا
ايام راينا مايفرضوه عيال .....  ويجيبه كبير ويفرضه عاقلنا
ايمرن عليه اجيال بعد اجيال .... دستور صيغوه اكبار بيه قبلنا
ايام ريقهن كيف العسل مازال .... ويزيد وين من عدة امراض زعلنا
الا عيبهن عدن علستعجال   .....    واحنا تقول نستاهل اللي صارلنا
مشن بلاش لا شطحه ولادلال ....   خطا كبير في باب القضا يجعلنا
خطرت القديم ودرتلي مشغال ...      جديد من كوابيس الحياة ظفتلنا
ونا عليل مايخفى عليك الحال  ....       ولو بشيرتي ماسيرته جبتلنا
وعزيز راك وحمولك علي ثقال  .... وان مافزعتلك خايف تقول بخلنا
عليهن معاك بعبرتي ننهال  ....           نا وناس قبلك كاثرات اسبلنا
الا هن ديار مسوتهات اطلال  .....   وماتقول عنهن من زمان رحلنا
ياريتنا مازلنا ... بوادي شوامس نازلين بهلنا .. فديار العفا ياريتنا مازلنا
الشاعر .. عمر منصور القذافي
سبها

ليست هناك تعليقات: